Главниот и одговорен уредник на Првиот програмски сервис на Македонската телевизија, Диме Ратајковски е дел од проект на којшто власта ќе додели 30.000 евра државни пари, рече Петре Шилегов, портпарол на СДСМ.
Од сите познати сценаристи, од сите продуцентски куќи во Македонита, ете токму документарниот филм во којшто сценариото го пишува послушен уредник на власта во МТВ, добива од Агенцијата за филм 2.000.000 денари или над 30.000 евра.
Ова е документот од страницата на Агенцијата за филм, чијшто линк во последниве неколку часа од оваа прес конференција не можеше да се отвори.
Од него се гледа дека Ратајковски ќе снима филм за птици насловен Боите на Преспа – Птици. Чудна спојка за еден историчар со наука за птиците.
Дали овие пари се “благодарам“ за послушноста на Диме Ратајковски?
На очиглед на целата јавност, МТВ, веќе 4-та година под палката на Ратајковски и неговите кадри во информативниот сервис, е претворена во партиско гласило на Груевски и ВМРО-ДПМНЕ.
Според информации од вработени во МТВ и провладината телевизија Нова на партнерот на Груевски Сеат Ибица, омилениот уредник на криминалната власт на Груевски, Ратајковски, освен националната телевизија МТВ ја менаџира и телевизија Нова.
30.000 илјади евра пари на граѓаните за проект на главниот уредник на МТВ Диме Ратајковски се уште еден доказ како власта корумпира медиуми и главни уредници и во националниот сервис.
Ете затоа МТВ работи во интерес на криминално корупциската власт, а не во интерес на граѓаните. Поради поединци кои дебело се богатат на грбот на другите вработени, додека на нив им лепат етикети “партиски војници“.
Затоа се неопходни медиумски реформи во предизборниот период. Вистински медиумски реформи ќе спроведе новата одговорна Влада што ќе добие чест да ja предводи СДСМ. МТВ ќе биде професионален медиум и вработените ќе бидат заштитени од притисоци.
Не може да се богатат Ратајковци за лични интереси на Груевци, а граѓаните кои плаќаат радиодифузна такса да слушаат лаги.
На ова му доаѓа крајот. А сите учесници во кршењата на законите, ќе одговараат.