„Уште еднаш се потврди дека Никола Тодоров постојано ја лаже јавноста, манипулира со невистини и си поигрува со здравјето на граѓаните.
Тодоров пред неколку дена изјави дека воопшто не постои студентка вработена како докторка во Итната медицинска помош.
Според информациите објавени во медиумите докторката не била дипломирана, немала положен државен испит и немала лиценца за работа а сепак вршела прегледи и давала соодветни терапии.
Последните информации се дека незаконски вработената докторка е отпуштена од работа во Итната медицинска помош.
Неодговорноста, нестручноста, партизацијата на кадрите создаде дополнителн хаос после којшто најголеми жртви се граѓаните, лекарите, здравството па дури и партиските кадри вработени на незаконски начин.
Квалитетен лекарски кадар, со лиценца, стручност и желба за работа масовно заминуваа од земјава поради нефункционалниот здравствен систем, партизацијата и деградацијата на лекарите по секој основа.
Кој ќе сноси одговорност за незаконското вработување во здравството покрај Тодоров?
Дали е ова единствен или има и други партиски доктори што лекуваат без диплома?
Никола Тодоров требаше одамна да поднесе оставка и да замине од позицијата.
Едно треба да му биде јасно на секој. Одговорност ќе има!
Ќе ја плати Тодоров цената за криминалните политики на штета на лекарите, здравјето и животот на граѓаните“, велат од СДСМ.