Светскиот шампион Луис Хамилтон ја запиша втората последователна победа во сезоната во Формула 1, откако тактиката на Мерцедес даде подобар резултат од онаа на Себастијан Фетел со Ферари.
Англичанецот триумфира по петти пат на трасата „Жил Вилнев“ во Монтреал, иако ја испушти првата стартна позиција и мораше да даде се од себе до последните обиколки.
Фетел заврши втор на малку повеќе од седум секунди, а трет финишираше Валтери Ботас со Вилијамс на повеќе од 45 секунди.
Макс Верстапен со Ред бул остана на четвртото место, а лидерот на табелата кај пилотите Нико Розберг имаше трка исполнета со перипетии и на крајот заврши петти.
Хамилтон го скрати заостатокот од Розберг на 9 поени во генералниот пласман, додека Фетел излезе на третото место.