„Денес СДСМ го започнува серијалот на пресконференции со кои сакаме да ги информираме граѓаните за состојбите на образованието во Битола.
– Училиштата во општината Битола се во катастрофално лоша финансиска состојба, каква што досега не се памети. Сметките се блокирани, а директорите наликуваат на стечајни управници.
Во врвот на должниците се и двете гимназии „Јосип Броз Тито“ и „Таки Даскало“ чии долгови се карактеризираат со милионски суми. Со цел битолската јавност да добие јасен одговор го прашуваме градоначалникот Владимир Талески дали е точно дека гимназијата „Јосип Броз Тито“ должи:
2.000.000 денари за греење,
430.000 денари за вода,
250.000 денари за струја,
7.000 денари за телефон и
72.000 денари за нискоградба
Или вкупно 2.759.000 денари.
Ако е за утеха, нешто помал е долгот на средното училиште „Таки Даскало“, па градоначалникот го прашуваме дали ова училиште:
за греење должи 2.200.000 денари;
за вода 313.000 денари;
За струја 130.000 денари;
За телефон 10.000 денари и за
Нискоградба 60.000 денари;
Или вкупно 2.713.000 денари.
– Со вакви долгови училиштата не можат да ги обезбедат ни основните услови за работа, а живееме во 21-от век.
– Професорите, учениците и нивните родители, а и воопшто битолчани, имаат право да знаат и затоа го прозиваме градоначалникот Талески и неговата партија, која за директори во јавните битолски претпријатија има високи кадри во ДПМНЕ, а чии должници се училиштата, да одговори:
– Зошто дозволи да се натрупаат вакви астрономски долгови во образованието, а во овие 8 години потроши над 200 милиони евра буџетски пари?
– И како и кога мисли да истите да ги врати“, изјави Бети Наумовска, претседател на комисија за образование.