Метју Нимиц, посредникот за спорот со името меѓу Македонија и Грција ги покани преговарачите Адамантиос Василакис и Зоран Јолевски на средба во седиштето на Обединетите нации во Њујорк на 19 и 20 ноември.
Од канцеларијата на портпаролот на Секретарот на Обединетите нации, информираат дека двете страни ја прифатиле поканата. Предвидено е Нимиц да се сретне со секој од двајцата преговарачи одделно, по што ќе следи заедничка средба со цел да се процени статусот на разговорите.
Посредникот на ОН во македонско-грчките разговори за името Метју Нимиц на почетокот на месецов истакна дека натаму верува оти ако се направи обид на лидерствата во Скопје и во Атина и ако се покаже добра волја, може да се дојде до решение за името.