Координаторот на СДСМ Горан Сугарески, веднаш по констатирањето на условените оставки на министрите и замениците министри од редовите на СДСМ, од собраниската говорница кажа дека ВМРО-ДПМНЕ насилно ги враќа старите министри.
Се распукаа сите шавови, рече Сугарески.
„Невозможното со магично стапче стана возможно. Па и свикувањето на оваа седница. Оставките на министрите од СДСМ беа условени. ВМРО-ДПМНЕ и Груевски се плашат од избори.Уплашената разулавена власт ја загрозува иднината на Македонија. Вие сте соучесници на ова злодело“, рече Сугарески.
Илија Димовски од ВМРО-ДПМНЕ рече дека проблем не е ни избирачкиот список, ни фантомските гласови, туку катастрофално нискиот рејтинг на СДСМ и нивниот страв од соочување со граѓаните.
Tалат Џефери од ДУИ ги праша пратениците од СДСМ што сакаат и кога според нив треба да има избори.