„Медиумските курири, асоцијациите и здруженијата под контрола на Никола Груевски се единствените коишто шират говор на омраза, им се закануваат на новинарите и вршат притисоци.
Таквите асоцијации и здруженија јавно се радуваа кога новинари беа приведувани, молчеа кога се испраќаа венци пред домовите на новинарите, кога се притвораа новинари без основа, кога се отпушаа од работа…
Медиумските курири и здруженијата под контрола на Груевски ги следат „политиките“ на ВМРО-ДПМНЕ во изминатите 10 години, со константни поделби, навреди, притисоци и закани кон новинари, медиумски работници и цели медиумски куќи.
Тоа е една од причините што во Македонија владее медиумски мрак. Тоа е една од причините зошто нема слобода на медиумите. Зошто земјава континуирано бележи пад на листитите на релевантните меѓународните институции, кога е слободата на медиумите во прашање.
И последениот извештај на релевантната Фридом Хаус и официјално потврди дека медиумите во Македонија не се слободни.
Извештајот наведува дека тоа е поради масовното прислушување на новинарите, корумпираните врски помеѓу високи функционери и сопственици на медиуми, како и зголемување на закани и напади врз медиумските работници.
Накратко, резултат на криминалното владеење на Никола Груевски и медиумскиот мрак, платен со пари на граѓаните.
Токму затоа, на Македонија и е потребно враќање на слободата, демократијата, владеењето на правото и европските вредности.
По демократските промени, во слободна Македонија предводена од Зоран Заев и СДСМ, слободата на медиумите ќе биде загарантирана.
Правото медиумите и новинарите слободно да работат и да известуваат во интерес на јавноста, ослободени од било каков притисок, ќе биде обезбедено“, соопштуваат од СДСМ.