По одлуката на Државната изборена комисија (ДИК) да ја отфрли кандидатската листа на Народното движење за Македонија (НДМ), реагираше неговиот лидер Јанко Бачев.
Тој посочи дека одлуката на ДИК е со политичка позадина, а не од правна природа. Бачев најави прес конференција на која ќе ги објави документите.
„Народно движење за Македонија ќе одржи прес конференција на која ќе сподели со јавноста документи за скандалозната одлука на ДИК да ги отфрли кандидатските листи на НДМ спротивно од Изборниот законик, односно, не од правни причини, туку од сосема други причини“, стои во најавата од НДМ.
Инаку, листи до рокот доставија ВМРО-ДПМНЕ, НДМ и СДПМ, по што СДПМ се откажа, а НДМ, според ДИК не ги отстрани неправилностите во листите во дадениот рок, па беше отфрлена од изборниот натпревар.
