ВМРО-ДПМНЕ оценува дека денешната изјава на дополнителниот заменик-министер за информатичко општество и администрација Александар Кирацовски за испратените тимови од МИОА до Државната изборна комисија за внесување податоци од теренската проверка на Избирачкиот список е „уште еден обид за креирање алиби за изборен пораз“.
– Kaкo што наближуваат изборите, така расте паниката меѓу криминалната банда од СДСМ, бидејќи тие се свесни дека на 6 јуни ќе дојде крајот на сите лаги и манипулации и дека ќе сносат одговорност за се што направија периодов. Во прес конференцијата на Александар Кирацовски јасно се чита очајот и фрустрираноста на СДСМ од неуспехот на нивното сценарио. Ова не е ништо друго освен уште еден обид за креирање алиби за катастрофалниот пораз кој неминовно им претстои, се вели во реакцијата.
Според ВМРО-ДПМНЕ, „тоа што го говорат рејтинзите и поддршката на народот, кај СДСМ предизвикува се посилна нервоза“.
– Оваа параноична состојба во раководството на СДСМ ќе заврши на 5 јуни со нивниот десети јубилеен пораз, кога неславно ќе заврши нивното деструктивно сценарио, наведува ВМРО-ДПМНЕ.