Возачот на Мерцедес Луис Хамилтон се избори за нова пол позиција откако беше најбрз на денешните квалификации на трката за Големата награда на Бахреин. Воедно светскиот првак Хамилтон го извозе и најбрзиот круг на патеката „Сахир“ – 1:29.493 минута.
Во првиот ред ќе биде неговиот клупски колега Нико Розберг, кој победи на првата трка годинава во Австралија. Во вториот ред ќе бидат двајцата возачи на Ферари Себастијан Фетел и Кими Раиконен.
Трката за Големата награда на Бахреин е втора во календарот на формула 1 за 2016 година.