Претседателот на Светската фудбалска федерација (ФИФА), Џани Инфантино го изрази своето жалење и шокираност од самоубиствениот бомбашки напад вчера на фудбалски стадион во Ирак, во кој загинаа 41, а беа повредени 105 луѓе.
– Ширум светот фудбалот ги обединува луѓето. Многу е тажно кога луѓето одат на натпревар, а стануваат жртви на овој вид насилство, истакнува првиот човек на ФИФА во соопштението за јавноста.
Инфантино во име на ФИФА и фудбалска заедница изрази длабоко сочувство до семејствата на жртвите.
– Нашите мисли се со оние кои се погодени од оваа трагедија и сите наши фудбалски пријатели во Ирак, додаде тој.