Браќата Калид и Брахим Ел Бакрауи се двајцата бомбаши-самоубици што вчера наутро се саморазнесоа со експлозив при терористичките напади во Брисел, но не се двајцата на Националниот аеродром Завентем во Брисел во кој 15 лица го загубија животот, а 100 се повредени, јави националната франкофонска телевизија „РТБФ“.
Како што јавува дописникот на МИА од Брисел, Ибрахим Ел Бакрауи е еден од двајцата камикази што се саморазнесоа на аеродромот, додека третиот се откажал од намерата и побегнал и по него се уште се трага, додека Калид Ел Бакрауи е бомбашот-самоубиец што однесе дузина животи во метрото крај метро-станицата Малбек.
Според ТВ-станицата „РТБФ“, браќата Калид и Брахим Ел Бакрауи и биле од претходно познати на полицијата за организиран криминал, но досега тие не биле обвинети или осомничени за акт на тероризам. Според истрагата, еден од браќата, Калид, под лажен идентитет изнајмил стан на улицата „Ру де Дри“ во населбата Форест во Брисел каде минатата недела беше уапсен еден од најбараните светски терористи, Салах Абдеслам, кој директно учествуваше во терористичките нашади што во неомври минатата година се случија во Париз, Франција. Наводно, истрагата покажала дека браќата Ел Бакрауи се дел од групата околу Абдеслам која успеа да им избега на безбедносните органи при престрелките и апсењата во Форест.
Исто така, браќата Ел Бакрауи се поврзани и со терористичките напади што во ноември минатата година се случија во Париз каде 137 лица го загубија животот.