Група од околу сто мигранти ја блокира пругата на граничниот премин меѓу Прешево и Табановце, соопшти денеска „Железници на Србија“.
– Пругата во тој дел е блокирана од 16 часот и 30 минути, изјави за ТАНЈУГ претставничката на „Железници на Србија“, Тања Чворовиќ
Според неа, два воза се блокирани, од кои едниот стои во Прешево, а другиот на отворена пруга во близина на Прешево.
Чворовиќ наведе дека „Железници на Србија“ ја известиле полицијата за блокада на пругата.