Претседателот на СДСМ Бранко Црвенковски денеска се сретна со новоименуваниот нерезидентен амбасадор на Израел, Јозев Амрани.
Истакнувајќи го значењето на меѓусебната соработка на двете држави, Црвенковски му посака успех во работата на Амрани и ја искажа својата заложба за унапредување и зацврстување на соработката меѓу Македонија и Израел.
Амбасадорот Амрани нагласи дека неговата агенда се заснова на остварување контакти со што е можно поголем број на општествено активни чинители на Македонија со цел доближување на земјите и унапредување на меѓусебната соработка. Говорејќи за досега остварената соработка во економијата, земјоделството, инфраструктурата, како и на политички и меѓу институционален план, амбасадорот потенцираше дека Македонија има значителни потенцијали кои треба да бидат една од клучните нишки на идната меѓусебна соработка, соопшти прес-службата на СДСМ.