Државната изборна комисија (ДИК) денеска ќе одржи седница на која треба да биде презентиран извештај за спроведените активности на информатичката експертска група за процесите на внесување, нормализирање и чистење на базите на податоци добиени од институциите.
На дневен ред е и Предлог-план за проверки и статистички анализи, вкрстени проверки на различни бази на податоци и евиденции заради ажурирање на Избирачкиот список врз основа на Правилникот за методологијата за водење и ажурирање на избирачкиот список.
Членовите на ДИК треба да донесат и заклучок за објавување на Избирачкиот список на веб – страницата на ДИК, со име, презиме и адреса на избирачот.
На седницата треба да биде разгледан и усвојување на Годишниот извештај за завршна сметка на ДИК за 2015 година.