Во изминатите 24 часа вкупно 1.212 мигранти добиле потврда за искажана намера за поднесување барање за признавање на правото за азил.
Од нив, 493 од мажи, 269 жени, 439 деца придружувани од носителот на потврдата и 11 деца кои патувале без родител.
Најборјни се државјаните на Сирија (713), по што следуваат државјаните на Авганистан (296) и Ирак (203).
Од почетокот на годнава до вчера издадени се вакви потврди на 83.188 мигранти од кои 33.161 се од машки пол, 18.021 од женски и 31.808 деца придружувани од носителот на потврдата, како и 198 деца кои патувале без родител.
До Секторот за азил во изминатите 24 часа не се поднесени барања за признавање на право на азил, а од почетокот на годинава вакви барања поднеле десет лица и тоа седум од Авганистан и три од Сирија.
Во Прифатниот центар за баратели на азил евидентирани се вкупно 20 баратели на азил од кои 17 мажи, една жена и две деца со придружба на старател. Дополнително, еден маж, една жена, пет деца со придружба на старател и пет малолетни лица без придружба на старател се згрижени на друго место определено од Министерството за труд и социјална политика.