„Македонските фирми денес плаќаат најмали даноци во светот. Со воведување на рамниот данок од 10% откако ВМРО-ДПМНЕ дојде на власт, Македонија е меѓу земјите во светот со најниско даночно зафаќање.
Тоа е најголемата поддршка која фирмите можат да ја добијат од државата – ниските даночни зафаќања и одлична бизнис клима.
Македонија е 12-та најдобра дестинација за водење бизнис во светот, 6-та најдобра во Европа. Во време на СДСМ бевме на 94-то место.
СДСМ не може да се помири дека во земјата се отворени 150.000 нови работни места и има повеќе од 50 директни странски инвестиции, па стручњаците од вечерната школа на СДСМ за економија „Вице Заев“ како неуспех на владата на ВМРО-ДПМНЕ го припишуваат повлекувањето на Карфур од Балканот или тоа што некоја фабрика во Македонија го сменила сопственикот.
СДСМ воопшто не го разбира концептот на ТИРЗ. За да им биде појасно, технолошко-индустриските зони се генератори на висока технологија, индустрија и на извоз – оттаму и името. Фирмите кои таму се отвораат произведуваат високо диференцирани производи наменети за извоз, без разлика дали станува збор за странски или домашни фирми, што се докажа и вчера. Влезот на oвие фирми значат работа за голем број и на други домашни фирми кои се нивни добавувачи.
Безнадежно е на економистите на Вицето да им се објаснува економија која не е во матрицата на СДСМ на задолжување и неработење.
Затоа граѓаните ќе им објаснат на 24 април зошто СДСМ губат 9 изборни циклуси по ред и зошто за СДСМ ита неизбежно 10-тиот пораз во низа“, велат од центарот за комуникации на ВМРО-ДПМНЕ