Претседателот на Република Македонија , Ѓорге Иванов денеска ќе има средби со граѓаните во Народната канцеларија во Скопје, соопштуваат од кабинетот.
Народните канцеларии во Скопје, Битола и Тетово, како што објаснуваат од кабинетот на Иванов, се резултат на заложбите на македонскиот претседател за непосреден контакт со граѓаните, со цел да можат да ги изложат нивните иницијативи, предлози и сугестии од јавен карактер.
Во Народните канцеларии граѓаните имаат можност да се запознаат со активностите на Претседателот во вршењето на неговите уставни и законски надлежности, но и да даваат свои оценки и мислења за истите.