Светската фудбалска асоцијација (ФИФА) го дефинира списокот на претенденти за нов претседател на организацијата која изминатите 18 години ја предводеше Сеп Блатер.
Во трката за нов прв човек на светскиот фудбал ќе учествуваат: Џани Инфантино, Жером Шампањ, Токио Сексвејл, принцот Ал Бин ал Хусеин и шеикот Салман Бин ал Калиф.
Блатер ја напушта функцијата по низата скандали за корупција поради што доби суспензија, исто како и првиот човек на УЕФА Мишел Платини.
Комисијата формирана за изборот на нов претседател на ФИФА денеска ги потврди кандидатурите.
Изборот за нов лидер на ФИФА е на почетокот на следниот месец. Ќе се одлучува со тајно гласање.