Претседателот на Русија Владимир Путин изјави денеска дека Русија нема да се меша во внатрешните прашања на Сирија, туку дека нејзина задача е да помогне на легитимните власти на земјата да се изборат со тероризмот.
– Нема да се мешаме во прашања како што се формирање влада, ниту да ги решаваме проблемите со кои се соочува Сирија. Наша задача е да помогнеме на народот и легитимната влада, во овој случај сириската, да ги елиминира терористите на сириска земја, изјави Путин пред студентите од Севернокавкасниот федерален универзитет.