Макрадули: Јас не сум жртвено јагне или случаен човек

Јани Макрадули, кандидат за градоначалник на СДСМ за Скопје, во интервју за Радио слободна Европа изјави дека СДСМ не настапува со случаен човек и сигурно СДСМ нема да влезе во борба, наводно да жртвува некој кој има еден влог и во општество и во партијата.

Добивај вести на вибер

Неговата партија вели, ги има најдобрите кандидати во општините и Град Скопје, и воопшто не се размислувало дали Стевче Јакимовски ќе биде градоначалник на Карпош.

„Не знам како, ако дефиницијата за жртвено јагне ја побараме во енциклопедиите како може да се поистовети со мене, затоа што зборуваме за кандидат којшто од 1996 до 2000 бил советник во советот на општина Центар, од 2001 сум пратеник, сум бил потпретседател на партијата, сум член на највисокото раководство како член на Извршниот одбор на партијата, потпретседател сум на Собранието, тоа не е случаен човек. СДСМ не настапува со случаен човек и сигурно СДСМ нема за влезе во борба, наводно да жртвува некој кој има еден влог и во општество и во партијата, туку напротив влегува во една битка за да победи со кандидатот и со сите кандидати во градот Скопје по општините“, изјави Макрадули.

СДСМ, вели Макрадули, на овие избори влегува за да победи, и како добра ја оценува постапката за рано откривање на кандидатите за градоначалници, бидејќи граѓаните бараат да ги знаат кандидатите однапред. Не знае кој ќе му биде против кандидат.

„Јас подготвувајќи се и во текот на кандидатурата внатре во партијата и во анализите и подготовките сега што ги правам се изненадив колку малку е направено од ветеното. За жал. И не знам дали некој кој ветил толку работи, а не ги реализирал ќе излезе на избори, но сепак тоа го оставам на страна. Мислам дека на Скопје итно му требаат промена на правецот во кој се развива, односно тој не се развива, туку стагнира на една локација во центарот на градот. Му треба проширување во целиот град и му треба една јасна отвореност кон Европа и кон светот“, вели Макрадули.

Очекува расчистување доколку има, на финансиските малверзации за „Скопје 2014“.

„Најголем проблем е што е украден градот, украден е духот, а украден е поради бизнис интересите на урбаната мафија и на фамилијата.

Сите што го сакаме Скопје апсолутно не сакаме вака да изгледа градот, ниту сме сонувале дека вакво нешто може да му се случи“, одговара кандидатот за градоначалник на Скопје од опозицискиот блок.

Според Макрадули, не постои демократска држава во којашто кога лидерот на опозицијата ќе се обрати до премиерот да одговара неговиот кум, тоа е недозволиво. Ако го негуваме политичкиот дијалог и ги почитуваме демократските принципи ред е вели премиерот да одговори на барањето предвремени избори. Не ни очекувава тие да го прифатат, бидејќи тие знаат, вели, каква е ситуацијата во државата.„Ние на овие избори ќе одиме и ќе победиме, со или без ДПА ќе видиме. Штета е за опозиционата атмосфера, посебно во албанскиот политички блок, тие да не можат да се поистоветат со некоја партија којашто понекогаш често лавира, но ние немаме никава вина, СДСМ ништо не погрешил од договореното, но како голема партија и како партија која е матица на овој широк опозициски фронт што се создава, апсолутно сме подготвени и натаму да разговараме и сме отворени за соработка“, вели Јани Макрадули.

Макрадули: Јас не сум жртвено јагне или случаен човек

Би можело да ве интересира

(ВИДЕО) Интервју со Димитриевски: Исклучувам постизборна коалиција со СДСМ, дел од раководството треба да одговара

(ВИДЕО) Интервју со Таравари: Рама и Курти ме поддржаа да се кандидирам, тоа не е мешање во Македонија, поддршка може да даде секој

(ВИДЕО) Интервју со Ванковска: Да излеземе од НАТО, а договорите со Грција и Бугарија да се поништат, ако мислиме дека не може, тогаш сите во Вардар

(ВИДЕО) Интервју со Јакимовски: Ако до 2030 година не влеземе во ЕУ мора да најдеме алтернатива, ова стана поигрување со нацијата

Карлсон: Ме следеа пред разговорот со Путин