ВМРО-ДПМНЕ преку соопштение оцени дека прес-конференцијата на Александар Кирацовски е потврда за безидејноста на СДСМ и обид, според нив, на раководството на таа партија да се извади од случајот со фабриката за афери со измислување на обвинувања дека цел интернет е против нив.
– Јавноста се потсмева на мизерните обиди на СДСМ да создадат алиби за претстојниот пораз. Сите им се виновни на СДСМ за рекордно нискиот рејтинг. Сите им се виновни зошто се откри аферата со фабриката на Чаушот, пријателот на Заев и Оливер Спасовски. Сите им се виновни зошто не знаат да направат конкретна програма со конкретни проекти и рокови. Сите, па дури и интернетот е виновен за бедата во која СДСМ сам се заглави. Граѓаните во пресрет на изборите очекуваат програма, проекти и мерки, а не празни и неаргументирани прес-конференции на очајниот Кирацовски, се вели во реакцијата на ВМРО-ДПМНЕ.