Претставници на Брисел ги откажаа сите традиционални прослави по повод Нова година во тој град поради закана од терористички напади.
Потегот уследи откако се уапсени две лица за кои се сомнева дека планирале напад за празниците.
– Заедно со министерот за внатрешни работи одлучивме да ја откажеме прославата утре, наведоа бриселски претставници.
Околу 100.000 лица присуствуваа на дочекот и прославата минатата година.
– Огноментот и се во врска со тоа би можело да доведе луѓе во центарот на Брисел. Поради различни анализи и ризици принудени сме да ги откажеме сите прослави, се наведува во соопштението.
Белгиската полиција приведе во меѓувреме заради испитување едно лице за време на рација во предградието Моленбек, претежно населено со имигранти, а во врска со нападите извршени во Париз минатиот месец, соопштија обвинители.