Oткако денеска подмладокот на ВМРО-ДПМНЕ организираше пародија, со писмено соопштение се јави младината на СДСМ.
„На граѓаните им е доста од Груевски, неговите функционери и од неговиот подмладок.
– Граѓаните секојдневно се соочуваат со се повисоки сметки за струја, за парно, за дрва за огрев. Граѓаните се доведени во ситуација во која мака мачат крај со крај да врзат, кога сите трошоци на животот се поскапени и кога основната егзистенција им е загрозена.
– ВМРО–ДПМНЕ можат да го тераат својот подмладок да организира пародии и да изигруваат циркузанти, но не можат да го сокријат фактот дека со нивното гласање во Собранието за останување на Димитар Петров на функцијата претседател на Регулаторната комисија за енергетика, вистината излезе сосема на виделина.
– Ако дотогаш ВМРО–ДПМНЕ се правдаа со изговорот дека не се виновни за поскапувањата и дека цената на струјата и парното ги одредува независно тело – Регулаторната комисија за енергетика, сега е јасно дека поскапувањата се директно по нарачка на Груевски и ВМРО–ДПМНЕ.
– Граѓаните знаат дека Груевски и ВМРО–ДПМНЕ се директно виновни за тоа“, се вели во писменото соопштение на подмладокот на СДСМ.