Лидерот на СДСМ, Зоран Заев денеска ги предаде незаконски прислушуваните разговори на Специјалното јавно обвинителство.
Заев неколкупати го одлагаше предавањето на снимките велејќи дека СЈО се уште нема услови за чување на снимките.
– Снимките ги предадов на целосно независна институција и очекувам правилна истрага. Го завршивме нашиот дел од обврските од Пржино-материјалите се предадени на Јавното обвинителство, оставивме материјал кој гарантира многу работа на специјалното јавно обвинителство, рече Заев.
Тој истакна дека остануваат да се исполнат и останатите обврски, без кои нема да има фер избори.
-Очекуваме да биде донесен закон за медиуми, за да може да се создаде амбиент за чисти избори. Истовремено очекуваме да бидат исполнети сите рокови кои зависат од сега формираната Државна изборна комисија, каде што претсtои целосно сподесување на фотографиите од биометриската документација, целосно споредување на базите од биометриската документација и да се заврши теренската проверка на изборачкиот список.
Не може Македонија повторно да оди на избори со 1, 780.000 гласачи, кога знаеме дека сме во моментов 1.650.000 жители во државава, рече Заев.
Тој кажа дека се што било предадено во СДСМ, сега е предадено во Специјалното обвинителство. Помеѓу материјалите се и транскриптите поврзани за случајот “Монструм“, рече Заев.
Александар Тодески