ДУИ и ДПА водат интензивни разговори за заеднички настап на локалните избори, пишува во денешниот број дневниот весник Вест.
ДПА во Кичево за локалните избори ќе истакне само советничка листа, а Мендух Тачи нема да има свој кандидат за градоначалник во овој град. О овој потег партијата го прави за да не се поделат албанските гласови.
Се уште не е јасно дали со ова Тачи му прави пат за победа на кандидатот што ќе го истакне ДУИ, ниту, пак е познато дали ДПА и јавно ќе застане зад кандидатот на Али Ахмети во Кичево.
Од ДУИ засега се на ставот дека тие со албанската опозициска партија не договарале таква соработка и дека оваа одлука е внатрешна работа на ДПА, пишува Вест.
