Еден милион мигранти пристигнаа оваа година во Европа, повеќето по морски пат преку Средоземно Море, што е најголем прилив на мигранти на континентот по Втората светска војна, соопшти Меѓународната организација за миграции (ИОМ).
– До 21 декември околу 972.000 мигранти го преминале Средоземно Море, наведува УНХЦР.
Освен тоа, ИОМ проценува дека повеќе од 34.000 лица пристигнале во Бугарија и Грција преку Турција.
Минатата година Медитеранот го преминале повеќе од 219.000 бегалци и мигранти .
Дури 3.692 лица се удавиле или се сметаат како исчезнати оваа година, се наведува во соопштението на ИОМ.
Според податоците на Високиот комесаријат на ОН за бегалци (УНХЦР) и ИОМ, меѓу мигрантите кои го преминале Средоземно Море оваа година „едно од две лица, што е половина милион луѓе, биле Сиријци, кои бегале од војната во нивната земја“.
Авганистанците се 20 отсто од мигрантите, а Ирачаните седум проценти.