„Форумот на слободоумни патриоти го повикува раководството на ВМРО ДПМНЕ да прекине да се крие позади тајните сведочења и во интерес на вистината и партијата се што имате да и соопштите на Анкетната комисија при Собраните на Република Македонија да го направите јавно и транспарентно.
Со месеци не убедувавте дека снимките се сечени, лепени, монтирани и креирани и оној момент кога требаше и со дела да го покажете тоа вие се криете и со тоа внесувате дополнителен сомнеж како во самите вас, така и во работењето на партијата. Ако навистина сте невини Ве повикуваме да почнете да се однесувате одговорно и да сведочите јавно со што би ја тргнале анатемата која е надвисната над партијата!
Притоа, ваквото ваше однесување дополнително не вознемирува бидејќи непосредно пред предвремените парламентарни избори и нанесувате непоправлива штета на ВМРО ДПМНЕ и на нејзините членови!
Исто такa, Форумот на слободоумни патриоти ги потсетува членовите на Анкетната комисија дека истата е формирана за да се дознае вистината, која треба да и биде соопштена на јавноста. Оттука ние сметаме дека нецелисходно е времето кое го трошите на затворени седници и Ве повикуваме сите материјали и сведочења јавно да ги објавите, граѓаните на Република Македонија имаат право да ја дознаат вистината“, се вели во соопштението на Форумот на слободоумни патриоти.