Стотици граѓани денеска пред бараките на Град Скопје побараа мерки против загадениот воздух, кој според официјални статистики, го има повеќе од 200 дена во годината.
Граѓаните носеа пароли на кои пишуваше „Мислам значи дишам“, „Стоп смог сега“, „Не угушивте бе ало“, „Не се дише“, и извикуваа „Доста беше молк“. Во еден момент, сите демонстранти во еден глас побараа оставка од градоначалникот на Град Скопје, Коце Трајановски.
Според нив, владата точно знае кои мерки треба да се преземат, но за нив побитна е економијата од екологијата. Граѓаните најавија дека не застануваат тука и дека доколку надлежните продолжат да ги игнорираат и не преземат ништо, протестите ќе продолжат.
Александар Тодески