Вкусно слатко задоволство …
Потребно е:
20 суви смокви
40 половинки ореви
за смесата:
400 гр шеќер
8 лажици вода
150 гр путер
150 гр мелени бисквити
150 гр мелени ореви
мелени ореви за посипување
Подготовка:
– Смоквите ставете ги да се варат во топла вода 7-8 минути. Исцедете ги од водата и оставете ги да се изладат. Тргнете им ги петелките и во секоја смоква ставете по две половинки ореви.
– Во сад на рингла ставете ги да се варат водата и шеќерот и мешајте за да се растопи шеќерот.
– Додадете ги путерот, мелените бисквити и мелените ореви, убаво измешајте и оставете да се излади.
– Секоја смоква обложете ја со по една лажица од смесата и формирајте ги како топчења. Потоа увалкајте ги во мелени ореви.
– Пред да ги послужите пресечете ги на половинки.