По судирите на економските мигранти со грчката полиција, ситуацијата на македонско-грчата граница е мирна, и се пропуштаат само бегалците од со војна зафатените подрачја.
Рано утринава, група мигранти од Мароко почнаа повторно да фрлаат камења по грчката полиција. Тие ги спречуваа бегалците од Сирија, Ирак и Авганистан да ја напуштата грчката територија, со што поминувањето на границата кон Македонија за бегалците од воените жаришта беше стопирано.
По поставувањето на жичаната ограда, со денови неколку илјади економски мигранти, кои доаѓаат од Пакистан, Алжир, Мароко, Иран, се заглавени на македонско-грчката граница кај Идомени.
Тие одбиваат да се вратат, а според новите препраки на ЕУ македонските и грчките погранични власти не ги пуштаат да ја поминат границата.
Денеска непречено бегалците од Сирија и Ирак влегуваат на македонска страна и го продолжуваат патот кон земјите на ЕУ.