„Невозможна мисија за Груевски е да гo покрие економскиот амбис од неговите виртуелни економски политики.
Резултат на виртуелните проекти за вработување се 626.312 иселени граѓани кои ја напуштиле Македонија поради невработеност и лоши услови за живот.
Повеќе од 70.000 домашни претпријатија во Македонија коишто можат да обезбедат реални вработувања, добиваат по 2 евра годишно државна помош.
Ако 630-те милиони евра пари на граѓаните коишто Груевски ги фрли за камен и споменици беа искористени за поддршка на домашните претпријатија, секое претпријатие ќе добиеше државна помош од околу 9000 евра!
Овие 9000 евра по претпријатие ќе донесеа реални нови работни места и реален економски раст!
Виртуелната грижа на Груевски за домашните претпријатија резултира со затворање на над 10.000 домашни претпријатија.
Тоа значи дека Груевски загрозил најмалку 10.000 егзистенциии.
Над 180.000 луѓе во Македонија живеат со по 40 денари на ден, според Светска банка.
Над 20.000 претпријатија се со блокирани сметки и не можат да работат.
Граѓаните ги видоа лицемерието и лакомоста на Никола Груевски.
Негова грижа се парцелите на Водно, мерцедесот од 600.000 евра, оф шор фирмите по рајските земји.
Додека Груевски се богати, сите други осиромашуваат“, се вели во соопштението на СДСМ.