Учителката од кумановското основно училиште „Кочо Рацин“ која на својот Фејсбук профил објавуваше разголени фотографии, за што вчера објави А1он, веќе имала поднесено отставка, велат надлежните од училиштето.
Од таму не сакаат да го коментираат случајот и велат дека просветниот инспекторат го посетил училиштето и си ја извршил својата работа.
– Не сакаме да даваме никакви изјави. Дојде просветна инспекција во училиштето, се што требаше да се направи е направено и тоа е завршена работа, велат од училиштето.
Инаку, учителката била долгогодишна вработена во училиштето, а за нејзините разголени фотографии родителите се пожалиле кај директорот на училиштето.
