Покренато е обвинение против 29 лица вмешани во настаните што се случија во мај годинава во кумановската населба Диво насеље. Обвинетите се теретат за сторени кривични дела „Терористичка организација” од чл. 394 – а и „Тероризам” од чл. 394 -б од Кривичниот законик.
„Врз основа на досегашните докази од истрагата во врска со кумановските настани од 9 и 10 мај годинава, надлежниот јавен обвинител од Основното јавно обвинителство за гонење на организиран криминал и корупција до Основниот суд Скопје 1 – Скопје поднесе обвинение против 29 лица“, информриаат од Јавното обвинителство.
Од таму додаваат дека надлежниот обвинител доставил и Предлог за продолжување на мерката – Притвор за обвинетите.