Рускиот претседател Владимир Путин чија држава почна со воени операции во Сирија во крајот на септември, „импровизира“ ден за ден, изјави директорот на американското разузнавање Џејмс Клапар за Си-Ен-Ен.
– Се прашувам дали тој има долгорочна стратегија или дејствува ден-за-ден, изјави Клапар.
Тој додаде дека главниот сојузник на сирискиот лидер Башар Асад е „многу импулсивен и непринципиелен“.
Русија почна со воздушни удари на 30 септември и тврди дека напаѓа терористички групи. САД и други држави ја обвинуваат дека ги насочува ударите врз бунтовнички групи за да ги засили позициите на Асад.