Актуелниот шампион во Формула 1 Германецот Себастијан Фетел успеа да победи на трката за Големата награда на Идија возена во Њу Делхи. Со оваа победа Фетел ја зголеми предноста во однос на второпласираниот Фернандо Алонсо, која сега изнесува 13 поени во генералниот пласман.
12 кругови пред крајот Алонсо успеа да го мине Вебер и ја заврши трката на второто место, за да изврши притисок на водечкиот Фетел, на кој во еден момент болидот почна да фрла искри на сите страни, но се смири подоцна и продолжи да вози како да ништо не се случило.
Вебер заврши како трет, Хамилтон на четвртото место, зад него неговиот клубски колега Батон, шести заврши Бразилецот Маса во Ферари, а шампионот од 2007, Финецот Кими Раиконен стигна како седми, зад него стигнаа Хулкенберг, Грожан и Бруно Сена.
Следната трка се вози во Абу Даби на 4. ноември.