Германскиот возач на Ферари, Себастијан Фетел, е казнет и ќе мора да стартува десет позиции послабо од местото што ќе го обезбди во квалификациите. Казната е затоа што Ферари во Остин го тестираше новиот мотор за следната сезона, а Фетел веќе ја надмина дозволената бројка на мотори.
Ваквиот расплет секако најмногу му одговара на лидерот во генралниот пласман Луис Хамилтон, кој веќе на трката за Големата награда на САД во Тексас може да ја одбрани титулата. За да дојде до пехарот потребна му е победа, а Фетел да биде пласиран под второто место.
– Не е добро што ќе бидат далеку од врвот, но добро е што ќе имам „свеж“ мотор, изјави Фетел.
Фетел ќе го користи петтиот мотор сезонава, што е еден повеќе од дозволеното од Ф1, а истата казна веќе ја заработи и неговиот клупски колега Кими Раиконен.
Трката за ГН на САД се вози во недела.