Израелската полиција првпат од почетокот на најновата ескалација на насилствата, објави дека муслиманите од сите возрасти можат да влезат на најчувствителното светилиште во Ерусалим на традиционални молитви во петок попладне.
Од средината на септември на младите мажи муслимани не им беше дозволен влез на местото, кое е свето за Евреите и за муслиманите и често беше место на судири на двата народа.
Полицијата ја воведе забраната за да спречи нереди пред џамијата Ал Акса, трета по значење во исламот. Муслиманите ги сметаат ограничувањата за обид на Израел да ја прошири контролата над светилиштата, што израелските лидери остро го негираат.