Извршниот комитет на Меѓународната фудбалска федерација (ФИФА) потврди дека изборите за нов претседател на оваа организација ќе бидат одржани на 26. февруари наредната година.
Раководството на ФИФА е разнишано откако Етичката комисија на 90 дена ги суспендираше претседателот Сеп Блатер, генералниот секретар Жером Валке и првиот човек на УЕФА Мишел Платини. Тројцата се суспендирани поради истрагата за наводна корупција која се спроведува во организацијата.
Кандидатури на изборите најавија јорданскиот принц Али бин Ал Хусеин, поранешниот капитенна Тринидад и Тобаго, Дејвид Накид и Мишел Платини.
Исто така, можно е во изборната трка да влезат поранешниот швајцарски репрезентативец Рамон Вега и претседателот на Азиската фудбалска конфедерација Салман Бин Ебрахим ал Калифа.
Платини се до изрекувањето на суспензијата се сметаше за најголем фаворит во изборната трка, но откако Етичкиот комитет го суспендираше тој започна да ја губи поддршката на европските федерации.