Му порачуваме на министерот Ристовски да не се меша во тоа што не го разбира. Очигледно е дека министерот Ристовски не разбира што значи тоа изгубена добивка. Власта со закон ги натера приватните пензиски фондови пред време да продадат една од македонските евро-обврзниците што поседуваа, изјавија од најголемата опозициска партија
„Доколку приватните пензиски фондови имаа можност да ја чуваат македонската евро-обврзница до крај, односно до денот на нејзиното доспевање, тогаш приватните пензиски фондови ќе имаа поголема добивка од онаа што ја направија со предвремената продажба. Тоа значи дека затоа што Владата ги натера приватните пензиски фондови да продаваат порано, тие ќе имаат помалку пари одошто ако можеа да чуваат до крај. Заради погрешната одлука на власта и помалите приходи на приватните пензиски фондови повеќе од 300.000 идни пензионери ќе имаат пониски пензии кога ќе се пензионираат. Најдобра потврда за погрешните политики на ВМРО-ДПМНЕ и за ризиците што тие ги создаваат за пензискиот систем и за пензионерите е изјавата на самиот министер за труд и социјална политика, Спиро Ристовски, кој пред неколку дена рече дека пензискиот систем во Република Македонија е неодржлив“, изјавија од СДСМ.