Говорот на палестинскиот лидер Махмуд Абас пред Генералното собрание на ОН беше „полн со лаги и подбуцнува немири на Блискиот Исток“, соопшти денеска Кабинетот на израелскиот премиер Бенјамин Нетанјаху.
– Очекуваме и ги повикуваме (палестинските) автономни власти и оној што претседава со нив да се однесуваат одговорно и да го прифатат предлогот на израелскиот премиер за директни преговори без предуслови, се наведува во соопштението.
– Фактот што тој повторно ја отфрла оваа можност е најдобар доказ дека Абас не е заинтересиран за постигнување мировен договор, се нагалсува во изјавата на Нетанјаху.
Абас денеска во говорот пред Генералното собрание на ОН најави дека палестинските автономни власти повеќе неможат да се придржуваат до Договорот од Осло, бидејќи Израел продолжува со изградбата на еврејски доселнички населби на окупираните територии.
– Објавуваме дека се додека Израел одбива да ги почитува договорите што ги има потпишано со нас…, ние немаме друг избор, освен да истакнеме дека нема да останеме посветени на спроведувањето на овие договори, се додека Израел постојано ги крши, изјави Абас.