Најмалку 20 турски војници се повредени денеска во експлозија на бомба, поставена на пат од борци на Курдската работничка партија (ПКК) во округот Битлис, во источнниот дел на Турција, јавуваат турските медиуми.
Бомбата била поставена крај пат во градот Татван. Експлозивната направа била активирана со далечинско управување во 7:45 по локално време, во момент кога минувало воено возило, пренесува весникот „Хуриет“.
Повредените војници се пренесени во болница во регионот.
Силите за безбедност спроведуваат операција за ликвидирање на борците на ПКК во округот.