Четири кинески извиднички бродови влегоа утрово во територијалните води на спорните острови во Источното кинеско море, на кои правата ги имаат и Јапонија и Кина.
Три бродови рано утринава пристигнаа во зоната од 22 километри околу еден од островите во спорниот архипелаг. Набрзо потоа им се придружил и четврти кинески брод.
Екипажот на бродовите одбиле да ги напуштат водите, наведувајќи дека тоа е кинеска територија, изјавил портпаролот на крајбрежната стража од Окинава, која има надлежност на островите и додаде дека ова е прв пат кинески бродови да влезат на теритроијалните води на спорните острови од 3-ти октомври.
Напнатоста меѓу Кина и Јапонија се зголеми откако Јапонија во септември ги национализираше островите во Источното кинеско море. Во Кина следуваа големи антијапонски протести, а кинески државни бродови започнаа често да крстарат во зоната.