Овие топчиња од спанаќ може да ги јадете сами, во некој сос или пак како прилог со месо …
Потребно е:
250 гр стар леб
500 гр спанаќ
150 мл млеко
70 гр пармезан
20 гр путер
1 главица кромид
3 јајца
3 лажици лебни трошки
сол, бибер
Подготовка:
– Во една чинија изматете ги јајцата со млекото.
– Парчињата леб исецкајте ги на коцки и прелијте ги со смесата од млеко и јајца и оставете да упие.
– Спанаќот бланширајте го, оставете го да се излади и ситно исецкајте го.
– Лебот исцедете го со раце од вишокот млеко и додадете го кај спанаќот.
– Додадете ги и изренданиот пармезан, растопениот путер и лебните трошки.
– Со раце земајте од смесата и обликувајте топчиња. Топчињата ставете ги да се варат во солена вода што врие 10-тина минути.