Натпреварот од СЕХА лигата помеѓу ППД Загреб и Вардар што требаше да се одигра в сабота 12 септември е одложен поради случај со труење во редовите на хрватскиот првак.
Пет играчи и тренерот на Загреб, Веселин Вујовиќ, добија труење од храна од гостувањето во Белорусија кај Брест и нема да можат да закрепнат на време до сабота. Сите погодени членови на хрватскиот тим завршија во болница во Брест.
Новиот термин за одигрување допрва ќе се одредува, а местото веројатно ќе остане исто, Вараждин, откако Загреб има проблеми со користењето на „Арена“.