Селекторот на македонската фудбалска репрезентација Љубинко Друловиќ повика четворица младински репрезентативци за претстојниот квалификациски натпревар со Шпанија.
Суспензиите и повредите го натераа селекторот да повика дополнителни фудбалери, а тој реши тие да бидат дел од најдобрите поединци во У-21 кои што се истакнаа во победата над Украина со 1:0.
Повикани се Марјан Радески, Ѓорѓи Зајков, Енис Барди и Бобан Николов, кои ќе му се стават на располагање на Друловиќ за средбата со Шпанија, бидејќи тој не може да смета на суспендираните Абдурахими и Ристовски, како и повредените Адеми и Мојсов.
Натпреварот меѓу Македонија и Шпанија се игра на арената „Филип Втори“ во Скопје, во вторник од 20:45 часот.