Педалинките да не влегуваат во обележаниот простор за капачи во езерото и да не се изнајмуваат на малолетници за да не дојде до несакани последици, апелира Општинската организација на Црвениот крст – Струга.
Претседателката на ОО Црвен Крст, Адуриме Даути информира дека спасителите на „машка плажа“ во Струга се соочувале со проблеми со малолетници на педалинки.
– Спасителите на Црвениот крст се соочуваат со проблеми на т.н. машка плажа со користењето на педалинките. Имавме три поголеми случаи на спасување малолетници од педалинки на струшкото крајбрежје, кои за среќа успеавме да ги рехабилитираме и сместени беа во Општата Болница за натамошна помош, изјави Даути.
Според правилникот, појасни таа, спасителот има обврска да го покрие обележаното капалиште.
– Доколку се плови далеку спасителот неможе да има сознание што се случува таму. Овие случаи беа надвор од капалиште, но за среќа успевме да ги вратиме во живот, рече Даути.