Белграѓанка прифати семејство од Сирија во својот стан

Белграѓанка преку својот Фејсбук профил ги повикува сите да го следат нејзиниот пример и да им помогнат на мигрантите. Таа во својот стан прифати мајка со две деца и фотографиите ги објави на социјалната мрежа.

Се работи за Јелена Милиќ, директорка на Центарот за евроатлантски интеграции. Таа привремено во својот дом ја смести мајката со двете деца кои избегале од Сирија, а насмевките на нивните лица говорат дека не е потребно многу за некого да направиш среќен.

Милиќ е политичка аналитичарка од Србија, чиј Центар за евроатлантски студии е основан во 2007 година и кој се залага за членство на Србија во ЕУ и НАТО, но и ги анализира либералните трендови во западните земји.

Таа од своите пријатели на Фејсбук бара да ги шират информациите со совети за бегалците додека се во Србија и да ги информираат додека се на улица.

На нејзиниот профил споделува секакви совети-од тоа каде има бесплатен инетрнет со тоа каде може да се набават картички за мобилен телефон. Сите инфорамции се преведени за да можат да ги разберат бегалците.