Големата невработеност и економски потешкотии со кои едвај го туркаат секојдневието. Ова се проблемите на кои и се пожалија жителите на Прилеп и Долнени на заменик претседателката на СДСМ, Радмила Шекеринска при нејзината средба со граѓаните.
-Покажавте цврстина, истрајност, по мене направивте многу, го завртевте тркалото за промени и полека почна да се врти. Имате поддршка, конечно да ја придвижиме оваа наша земја напред, доста се враќавме назад, рече еден жител на Прилеп.
Заедно ќе ги направиме потребните промени, возврати Шекеринска.
-Ова што го слушаме од Вас, вашите сугестиии и предлози, ќе ги препознаете во нашата понуда, која ќе биде заедничка визија на СДСМ и граѓаните, рече Шекеринска.
Пречек за Шеќеринска имаше и во Дебреште, каде жителите ги истакнаа истите проблеми.
-Може да се направат многу работи ако ги промениме приоритетите. Власта во заминување со години мислеше како да приграби повеќе пари од граѓаните за себе и своите џебови. По април 2016-та година фокусот на новата власт ќе биде човекот и неговите потреби, рече Шекеринска.