Интересен начин на подготова на риба …
Потребно е:
за филот:
150 гр леб
кора од 1 лимон
1 лажица грубо мелени бадеми
1 чешне лук
1/2 чаша суво бело вино
сол
за сосот од магдонос:
1 полна рака магдонос
1 чешне лук
сок од 1 лимон
75 мл маслиново масло
и уште:
околу 400 гр лиснато тесто
1 јајце за премачкување на тестото
Подготовка:
– Бранцинот исчистете го и измијте го убаво. Пресечете го по должина и извадете ја централната коска, а потоа и сите останати коски. Главата треба да остане цела, а исто и опашката. Наш совет: Најдобро е тоа да го направи вашиот рибар, наместо вие да го правите тоа.
– Во еден сад лебот потопете го во малку вода и оставете го малку да стои. Потоа со рака исцедете го и ставете го во еден сад заедно со бадемите, изренданата кора од лимон, изгмеченото лукче, солта и белото вино. Убаво измешајте и изгмечете со вилушка.
– Рибата наполнете ја со оваа смеса и затворете ја со кујнски конец.
– Рибата ставете ја во тава обложена со хартија за печење и ставете да се пече во загреана рерна на 180 целзиусови степени 10-12 минути. Рибата ќе биде печена до пола и така полесно ќе ја извадите кожата. Прво исечете го конецот до главата и опашката и потоа внимателно извадете ја кожата прво од едната па од другата страна.
– Сега рибата треба да ја ставите во лиснатото тесто и тоа најдобро е тестото да го ставите одозгора и потоа со раце внимателно да го превиткате од долната страна и да го споите. Тестото обликувајте го во форма на риба, со глава, опашка, очи. По желба може да вадите мали делчиња од тестот и тие да ги ставите како крлушки на тестото.
– Обликуваното тесто премачкајте го со изматено јајце и ставете да се пече во загреана рерна на 180 целзиусови степени најмногу 15 минути.
– Додека се пече тестото подгответе го зелениот сос. Магдоносот исчистете го, измијте го и ситно исецкајте го. Лукот излупете го и изгмечете го. Во блендер измелете ги магдоносот, лукот и малку сол. Постепено дадавајте го сокот од лимон и маслото и блендирајте додека да добиете хомогена смеса.
– Кога ќе го сечете бранцинот во тесто користете остар нож. Сервирајте во чинија прелен со зелениот сос.
